افتخار گیلانی: مخصوص نشست پر اسمبلی پہنچنے والے پاکستان کے زیر انتظام کشمیر کے نومنتخب وزیر اعظم کون ہیں؟
پاکستان کے زیر انتظام کشمیر کی قانون ساز اسمبلی نے مسلم لیگ ن کے رہنما بیرسٹر افتخار گیلانی کو 17واں وزیر اعظم منتخب کر لیا ہے۔ افتخار گیلانی کو 30 اراکین اسمبلی کے ووٹ ملے، جبکہ اُن کے مخالف پاکستان پیپلز پارٹی کے وزارتِ عظمیٰ کے امیدوار مختار احمد عباسی 14 ووٹ حاصل کر پائے۔ بطور وزیر اعظم نامزدگی پر افتخار گیلانی کو ناصرف عوامی حلقوں بلکہ اُن کی اپنی پارٹی کی جانب سے بھی تنقید کا سامنا تھا۔
