ثانوی تعلیمی بورڈ کراچی آج شام 5 بجے دہم جماعت سائنس گروپ اور خصوصی بچوں کے سالانہ امتحانات 2026ء کے نتائج کا اعلان کرے گا۔
کراچی: ثانوی تعلیمی بورڈ کراچی (BSEK) کے تحت دہم جماعت کے سالانہ امتحانات برائے سال 2026ء کے نتائج کا اعلان آج (جمعہ) شام 5:00 بجے کیا جائے گا۔
ناظم امتحانات احمد خان چھٹو کے مطابق دہم جماعت سائنس گروپ اور خصوصی بچوں کے سالانہ امتحانات کے نتائج بورڈ کے کانفرنس ہال، پہلی منزل، بلاک بی میں منعقد ہونے والی تقریب کے دوران جاری کیے جائیں گے۔
نتائج کے اعلان کے موقع پر سالانہ امتحانات میں نمایاں پوزیشنیں حاصل کرنے والے طلبہ و طالبات کو کیش ایوارڈز اور اسناد بھی دی جائیں گی۔ طلبہ اور والدین نتائج کے اجرا کے بعد بورڈ کے مقررہ ذرائع سے اپنا رزلٹ حاصل کر سکیں گے۔
Read more at Pakistan Urdu Point
