سرانان بازار میں پولیس تھانے کو تباہ کرنے کی وائرل ویڈیو: پشتون اکثریتی علاقے میں کالعدم بلوچ لبریشن آرمی کی کارروائی کیا ظاہر کرتی ہے؟
’جمعرات کی سہہ پہر ساڑھے تین سے چار بجے کے درمیان کا وقت تھا جب 25 سے زیادہ مسلح افراد سرانان بازار میں داخل ہوئے اور کچھ ہی دیر بعد انھوں نے وہاں موجود پولیس تھانے کی عمارت کو دھماکہ خیز مواد کی مدد سے تباہ کر دیا۔ دھماکہ اتنا شدید تھا کہ پورا علاقہ ہِل کر رہ گیا اور دور دور تک دھماکے کی آواز سُنی گئی۔‘
