امریکہ سے 10 ارب ڈالر کے ایکسچینج سٹیبلائزیشن فیسیلٹی ملنے کی امید: کیا اس سے پاکستان کو عالمی مارکیٹ سے قرض حاصل کرنے میں مدد ملے گی؟
پاکستان کی وفاقی حکومت کا کہنا ہے کہ امریکہ کی جانب سے پاکستان کو 10 ارب ڈالر کے ایکسچینج سٹیبلائزیشن فیسیلٹی (استحکام ایکسچینج سہولت) کے سلسلے میں جلد مثبت پیش رفت کا امکان ہے۔ وفاقی وزیر خزانہ محمد اورنگزیب نے میڈیا سے گفتگو میں واضح کیا کہ امریکہ کی جانب سے پاکستان کو دی جانے والی ای ایس ایف کوئی قرضہ نہیں بلکہ یہ پاکستان کی مستحکم کرنسی کی طرف اشارہ ہے۔
