یمنی میزائل پروگرام سے روسی ڈرونز اور اماراتی مہم تک: کلاڈ کوڈ کیا ہے اور اسے ہتھیاروں کی تیاری کے لیے کون استعمال کر رہا ہے؟

رپورٹ میں پہلی بار ان واقعات کی تفصیلات بھی شامل کی گئی ہیں جن میں بعض عناصر نے روایتی ہتھیاروں کی تیاری، ڈیزائن اور خریداری کے عمل میں کلاڈ سے مدد لینے کی کوشش کی۔ اینتھروپک کے مطابق نومبر 2025 میں اپنی سابقہ تھریٹ رپورٹ کی اشاعت کے بعد کمپنی نے ایسے نئے گروہوں کی نشاندہی کی جو آتشیں اسلحے، میزائلوں، مسلح ڈرونز، بموں اور دیگر گولہ بارود سے متعلق سافٹ ویئر تیار کرنے یا ان کے ٹارگٹنگ اور کنٹرول سسٹمز کو بہتر بنانے کے لیے کلاڈ استعمال کر رہے تھے۔