بے نظیر بھٹو، جنرل اسلم بیگ اور غلام اسحاق خان: جب فوجی افسر کی اطلاع اور اخبار میں خبر چھپنے کے باوجود وزیراعظم کو ممکنہ برطرفی کا یقین نہ ہوا
وفاقی دارالحکومت اسلام آباد کی شاہراہِ دستور پر وزیرِ اعظم بے نظیر بھٹو اپنی لِیموزین میں راولپنڈی کی جانب رواں تھیں جب اُن کے ساتھ پچھلی نشست پر بیٹھے وزیرِ اطلاعات جاوید جبار نے انھیں اطلاع دی کہ فوج کے ایک حاضر سروس افسر کے مطابق صدر غلام اسحاق خان جلد ہی اُن کی حکومت برطرف کرنے والے ہیں۔
