ٹرمپ کے لیے سوشل میڈیا پر پیغامات ٹائپ کرنے والی نیٹلی ہارپ جو اچانک مرکز نگاہ بن گئیں
اس ہفتے جارجیا سے تعلق رکھنے والے ڈیموکریٹ سینیٹر اور ٹرمپ کے ناقد جون اوسوف نے ایک تقریر کے دوران نیٹلی ہارپ کا دوبارہ نام لے کر انھیں ایک بار پھر توجہ کا مرکز بنا دیا،اور اس تقریر کی ویڈیو بعد میں وائرل ہو گئی۔
اوسوف نے ٹرمپ کو تنقید کا نشانہ بناتے ہوئے کہا کہ وہ ’نیٹلی کے ساتھ اس بظاہر غیر محفوظ اُڑنے والے محل میں سفر کر رہے ہیں، جو قطر کے امیر کی جانب سے تحفے میں دیا گیا ہے۔‘
