چنیوٹ میں لوہے اور تانبے کے ذخائر، ’ایک ارب ڈالر‘ کی سٹیل مل کا منصوبہ اور مقامی آبادی کے خدشات
چنیوٹ کے علاقے حکیم کالونی کے رہائشی مقامی انتظامیہ کے اہلکاروں کی جانب سے کیے جانے والے ایک سروے کے بعد اس تشویش میں مبتلا ہیں کہ کہیں انھیں ان کے گھروں سے محروم نہ کر دیا جائے۔ یہ پہلا موقع نہیں کہ جب چنیوٹ میں سٹیل مل لگانے کی بات سامنے آئی ہو۔ سنہ 2015 میں وزیر اعظم نواز شریف کے دور میں چنیوٹ میں لوہے اور تانبے کے ذخائر دریافت ہونے کا دعویٰ کیا گیا تھا۔
