ڈیرہ اسماعیل خان میں چیک پوسٹ کے قریب دھماکہ اور متاثرین کو لے جانے والی ایمبولینس پر فائرنگ: دو خواتین اور ایک بچی سمیت 13 افراد ہلاک

پاکستان کے صوبہ خیبر پختونخوا کے علاقے ڈیرہ اسماعیل خان میں سکیورٹی فورسز اور کسٹمز کی ایک مشترکہ چیک پوسٹ کے نزدیک دھماکے اور اس کے بعد زخمیوں اور لاشوں کو ہسپتال منتقل کرنے کے دوران ایمبولینس پر حملے کے نتیجے میں کم از کم 13 افراد ہلاک اور 35 سے زائد زخمی ہو گئے ہیں۔