ڈیانا کی موت کی خبر سن کر چارلس ’اتنے خوش‘ سنائی دیے جیسے ان کی ’لاٹری نکل آئی ہو‘، شہزادی کے بھائی کا دعویٰ

ویلز کی شہزادی ڈیانا کے بھائی ارل سپینسر نے دعویٰ کیا ہے کہ 1997 میں اپنی بہن کی موت کے بعد جب ان کی کنگ چارلس سے فون پر بات ہوئی تو وہ ’حد درجہ خوش‘ لگ رہے تھے۔ ڈیانا کے بارے میں شائع ہونے والی ایک متنازع کتاب میں سپینسر نے الزام لگایا ہے کہ اُس وقت کے پرنس چارلس خبر سنانے کے بعد ایسے لگ رہے تھے جیسے کسی شخص کی ’لاٹری نکل آئی ہو‘۔