’جیسے ہی ہم جنگل کے درمیان پہنچے ہر طرف سے فائرنگ ہونے لگی‘: ہنگو میں گھات لگا کر کیا گیا حملہ جس میں ڈی ایس پی سمیت دس پولیس اہلکار مارے گئے
پاکستان کے صوبہ خیبرپختونخوا کے ضلع ہنگو میں پولیس پر گھات لگا کر کیے گئے حملے کے نتیجے میں ایک ڈی ایس پی سمیت دس اہلکار ہلاک جبکہ اٹھائیس زخمی ہوگئے ہیں۔ اطلاعات کے مطابق پہلے خزینہ بانڈہ پولیس پوسٹ پر کواڈ کاپٹر سے حملہ کیا گیا جس کے بعد ہنگو سے مزید نفری روانہ ہوئی جن پر گھات لگائے شدت پسندوں نے حملہ کیا۔
