فراڈ کرنے والے آپ کے پیاروں کی آواز نقل کر سکتے ہیں، مگر ایک خفیہ کوڈ انھیں بے نقاب کر سکتا ہے

اگر آپ سمجھتے ہیں کہ آپ یا آپ کے عزیز اتنے سمجھدار ہیں کہ دھوکے میں نہیں آئیں گے تو آپ غلط ہیں۔ اب اے آئی اتنی ترقی کر چکی ہے کہ صرف اپنی آنکھوں اور کانوں پر بھروسا کرنا کافی نہیں رہا اور مجرم ایسے فراڈ بڑے پیمانے پر کر رہے ہیں۔ یہ ایک جدید ٹیکنالوجی سے جڑا مسئلہ ہے لیکن خوش قسمتی سے اس کا حل بہت سادہ ہے۔