راولاکوٹ میں پُرتشدد جھڑپوں کے بعد میرپور میں بھی عوامی ایکشن کمیٹی کے کارکنوں اور پولیس میں تصادم، فریقین کی جانب سے ہلاکتوں کے متضاد دعوے

پاکستان کے زیر انتظام کشمیر کے ضلع راولا کوٹ میں پیر کی شام کالعدم جموں کشمیر جوائنٹ عوامی ایکشن کمیٹی کے کارکنوں اور سکیورٹی اہلکاروں کے درمیان ہونے والے مہلک تصادم اور متعدد ہلاکتوں کے دعوؤں کے بعد حالات تاحال کشیدہ ہیں۔ دوسری جانب منگل کی صبح راولا کوٹ میں پیش آئے واقعات کے خلاف میرپور میں ہونے والے احتجاج کے دوران ہونے والی فائرنگ سے بھی ایک شخص ہلاک ہوا ہے۔